Komitə sədri müharibə fəalları ilə görüşdü

Milli Məclisin Mədəniyyət Komitəsinin sədri Qənirə Paşayeva Vətən Müharibəsində itkilərimizin az olmasında rol oynamış mülki vətəndaşlarla görüşüb

SOSİUM.az xəbər verir ki, “Azvirt MMC”nin ekskavator masinistləri – Sumqayıt şəhər sakini İlqar Köçəri oğlu Həşimov və Tovuz rayon, Azaflı kənd sakini Elsevər Maarif oglu Abdullayevlə görüşən Q.Paşayeva onları düşmən üzərində tarixi zəfər münasibəti ilə təbrik edib, yeni təqvim ilində yeni uğurlar diləyib:

“Siz, 44 günlük Vətən Müharibəsində əldə etdiyimiz tarixi zəfərdə öz töhfələri ilə iştirak etmiş mülki vətəndaşlarımızsız. Siz, Füzuli, Cəbrayıl, Zəngilan, Qubadlı, Xocəvənd, Şusa istiqamətlərində gedən döyüşlər vaxtı, sizə təhkim olunmuş texnika vasitəsi ilə operativ mühəndis istehkam qurğularının yaradılmasında fədakarlıqla iştirak etmisiz.

Sizlərin də öz töhfələrinizlə iştirak etdiyiniz Vətən Müharibəsi Ordumuzun  ilə sonuclanıb, şəhidlərimizin qanı yerdə qalmayıb.

Sizi düşmən üzərində tarixi zəfər münasibəti ilə təbrik edir, sizə möhkəm can sağlığı, yeni uğurlar diləyirəm”!

“Avirit MMC” əməkdaşları İlqar Həşimov və Elsevər Abdullayev səmimi qəbula görə Komitə sədrinə təşəkkür edib.

 

Oxşar xəbərlər