“Qara baxmayaraq, əhali su ilə təmin edilir”

Qarlı, şaxtalı, çovğunlu hava şəraitinə baxmayaraq, bizim su mənbələrimiz, anbarlarımız, hidrotexniki qurğularımız, magistral kəmərlərimiz normal iş rejimində çalışır və əhalini içməli su ilə təmin edirik.

SOSİUM.az xəbər verir ki, bunu “Azərsu” ASC-nin mətbuat katibi Anar Cəbrayıllı bildirib.

O deyib ki, su sayğaclarında donmaların olması ilə bağlı 955 nömrəsinə müraciətlər edilir:

“Xüsusən həyət evlərində su sayğacları və su xətlərinin donması ilə bağlı müraciətlər olur. Həyət evlərində bir çox hallarda insanlar su xətlərini torpağın üstü ilə çəkirlər, torpağa basdırmırlar, xüsusi izolyasiya etmirlər və belə şaxtalı havalarda problemlər yaradır. Ötən ilin təcrübəsi göstərir ki, problem ən çox həyət evlərində olub və bu ilki zənglər də belədir. Xırda qəzalarımız qeydə alınıb, onların aradan qaldırılması üçün rayonlar üzrə briqadalarımız hadisə yerində işləyirlər”.

Oxşar xəbərlər