“Çelsi”yə məğlub olmaq ciddi zərbədir”

“Hər şeyi Meyson Mauntun fərdi ustalığı həll etdi. Oyun bərabər səviyyədə və gərgin keçdi. Bizim şanslarımız daha çox idi”.

SOSİUM.az xəbər verir ki, bu sözləri “Liverpul”un baş məşqçisi Yurgen Klopp İngiltərə Premyer Liqasının 29-cu turunda evdə “Çelsi”yə uduzduqları oyundan (0:1) sonra mətbuat konfransında deyib.

Almaniyalı mütəxəssis bu məğlubiyyətin artıq ciddi zərbə olduğunu bildirib: “Manenin qol vurmaq üçün əla şansı var idi. Bir çox epizodlarda qol şansından yararlanam bilmədik. Evdə oynadığımız üçün daha çox hücum etməliydik. Son ötürmələrə qədər hər şey qaydasında idi. Bu məğlubiyyət ciddi bir zərbədir, ancaq son deyil”.

Qeyd edək ki, uğursuz mövsüm keçirən “Liverpul” 27 oyuna 43 xalla Premyer Liqada 7-ci yerdədir. Komanda bu mövsüm artıq 5-ci ev oyununda uduzur.

Oxşar xəbərlər