Argentinanın yeni prezidenti seçildi

Argentinanın hazırki prezidenti Maurisio Makri rəqibi Alberto Fernandesi prezident seçkilərində qalib gəlməsi münasibəti ilə təbrik edib.

SOSİUM.az xəbər verir ki, o rəqibini işlərin təhvil verilməsi ilə bağlı görüşə dəvət edib.

“Mən Fernandesi seçilməsi münasibətilə təbrik etmək istəyirəm. Mən ona elə indicə zəng etmişəm”, – deyə Makri bildirib.

Ölkənin ən yüksək vəzifəsi uğrunda 6 namizəd mübarizə aparıb. Seçkidə əsas mübarizə sağ mərkəzçi qüvvələri təmsil edən Makri ilə sol mərkəzçi koalisiyanın namizədi Alberto Fernandes arasında gedib.

Ölkənin Milli Seçki Palatasının seçki bülletenlərinin 90%-nin hesablanmasından sonra yaydığı məlumata görə, Alberto Fernandes seçicilərin 47,8% səsini toplayıb. Argentinanın hazırkı prezidenti, Maurisio Makri isə 40,69% seçici səsini toplayıb.

Təzə seçilmiş prezidentin mandatı dekabrın 10-dan qüvvəyə minir.

Oxşar xəbərlər