KXDR növbəti ballistik raket buraxıb

Koreya Xalq Demokratik Respublikası (KXDR) çərşənbə günü Yapon dənizinə tərəf raket buraxıb.

SOSİUM.az xəbər verir ki, bu barədə NHK telekanalı məlumat verib.

Yaponiya Müdafiə Nazirliyindən verilən məlumatda bildirilir ki, hazırda Yaponiyaya birbaşa heç bir təhlükə yoxdur.

Koreya Respublikası Qərargahları Rəisləri Komitəsinə istinad edən “Yonhap” agentliyinin məlumatına görə, raket buraxılışı Vonsan limanı ərazisində həyata keçirilib.

Hazırda raket sınağı ilə bağlı ətraflı informasiya verilmir. KXDR son zamanlar tez-tez kiçik mənzilli ballistik raketlərin sınağını keçirir.

Oxşar xəbərlər