Ödənişli xidmətlərin dəyəri 3 milyardı ötüb

2019-cu ilin yanvar-avqust aylarında Bakıda əhaliyə göstərilən ödənişli xidmətlərin dəyəri 2018-ci ilin eyni dövrü ilə müqayisədə real ifadədə 1,9 faiz artaraq 3 milyard 381,7 milyon manat olub.

SOSİUM.az xəbər verir ki, hüquqi şəxslər tərəfindən əhaliyə 2 milyard 722,5 milyon manatlıq xidmət göstərilib ki, bu da xidmətlərin ümumi dəyərinin 80,5 faizini təşkil edib.

2019-cu ilin yanvar-avqust aylarında Bakıda iaşə dövriyyəsi əvvəlki ilin müvafiq dövrü ilə müqayisədə real ifadədə 5,7 faiz artaraq 668,7 milyon manat olub. Dövriyyənin 45,3 faizi hüquqi şəxs statuslu müəssisələrin, 54,7 faizi isə bu sahədə sahibkarlıq fəaliyyəti ilə məşğul olan fərdi sahibkarların payına düşüb.

Oxşar xəbərlər