Bağçalara qəbul BU ŞƏKİLDƏ həyata keçiriləcək-Emin Əmrullayev

“Bağçalarla bağlı bir neçə istiqamətdə işlərimiz davam edir”.

 

SOSİUM.az xəbər verir ki, Təhsil naziri bunu Emin Əmrullayev Rəqəmsal inkişaf:Müasir çağırışlar və real imkanlar II beynəlxalq konfransında qeyd edib.

Nazir bağçalara qəbulla bağlı görülən işləri nəzərə çatdıraraq, elektron sistemin qurulmalı olduğunu bildirib:

“Əsas hədəf sentyabra kimi iki prosesi mərkəzlədirilmiş qaydada həyata keçirməkdir. İlk olaraq məktəbəqədər təhsil müəssisələri və ya bağçalara uşaq qəbulunun mərkəzləşmiş qaydada elektron formada həyata keçirilməsidir. Bunun üçün ilk növbədə ölkədə məktəbəqədər təhsil müəssisələrinin elektron informasiya sistemi qurulmalıdır ki,biz bunu həyata keçirə bilək. Əks halda bu mümkün olmayacaq. Bununla bağlı işlərimiz intensiv olaraq davam edir. İkincisi isə tərbiyəçilərin işə qəbulu məsələsidir. Burada da elektron sistem qurulmalıdır ki,biz vakansiyaları daha tez şəkildə çıxara,saya bilək”.

Nazir bağçalarda həyata keçirilən monitorinqlərdən danışıb:

“Eyni zamanda hazırda məktəbəqədər təhsil müəssisələrində monitorinqlərimiz davam edir. Çünki biz diaqnostika aparıb ümumi situasiyanı başa düşməliyik ki,hansı müdaxilələr etməyimiz daha doğru olar bilək. Monitorinqlərdə əsas məqsəd məktəblilərin qidalanması,şagird davamiyyəti, müəllimlərin davamiyyəti, məkətəbəqədər təhsil müəssisəsi rəhbərlərinin verilmiş normalara əməl etməsi istiqamətindədir. Bu müəssisələrdə bizim mütəxəssislər tərəfindən ilkin monitorinqlər artıq aparılıb”.

Oxşar xəbərlər