Kreditlərin 97,5 faizi banklar tərəfindən verilib

Mərkəzi Bankın təqdim etdiyi məlumata görə, aprelin 1-nə ölkənin bank və digər kredit təşkilatlarının kredit portfeli milli valyuta ekvivalentində 14 milyard 728 milyon manat təşkil edib.

Dövlət Statistika Komitəsindən SOSİUM.az-a bildirilib ki, ümumi kredit portfelinin 12 milyard 150,5 milyon manatı və ya 82,5 faizi uzunmüddətli kreditlərin payına düşüb.

Kreditlərin 97,5 faizi banklar, 2,5 faizi isə bank olmayan kredit təşkilatları və kredit ittifaqları tərəfindən verilib.

Ödəmə vaxtı keçmiş kreditlərin məbləği 918,2 milyon manat olub və ümumi kredit portfelinin 6,2 faizini təşkil edib.

Oxşar xəbərlər